იტალიური კლუბ „ემპოლის“ ქართველი მცველი საბა გოგლიჩიძე კარიერას უდინეზეში გააგრძელებს.

მხარეებმა შეთანხმებას მიაღწიეს, 21 წლის მცველს უკვე ელოდებიან ახალ კლუბში, სადაც ის სამედიცინო შემოწმებას გაივლის და კონტრაქტს მოაწერს ხელს.

რამდენიმე კვირის წინ გავრცელდა ინფორმაცია, რომ ქართველი ფეხბურთელი მიმდინარე სატრანსფერო ფანჯარაზე „ემპოლის“ დატოვებს. განიხილებოდა „პარმა“ და „სასუოლო“, მაგრამ „უდინეზემ“ ყველა აჯობა. მხარეებმა დაახლოებით 4-4,5 მილიონი ევროს ოდენობის შეთანხმებას მიაღწიეს.

თუ ბოლო მომენტში რაიმე მოულოდნელი არ მოხდა, „უდინეზე“ საქართველოს ნაკრების ფეხბურთელს მომავალ კვირას ოფიციალურად წარადგენს.

ავტორი: ექსპრესნიუსი,