ჯო უილსონი: „ოცნება“ ხელს უწყობს ირანისა და ჩინეთის კომუნისტური პარტიის უკანონო საქმიანობას

2026-06-04 00:44:19, 534 ნახვა

პოლიტიკა

აშშ-ის კონგრესმენმა ჯო უილსონმა კომენტარი გააკეთა აშშ-ის სახელმწიფო მდივნის, მარკო რუბიოს განცხადებაზე, რომელშიც მან „ქართული ოცნების“ პარტიას კურსის შეცვლისკენ მოუწოდა. უილსონმა სოციალურ მედიაში დაწერა:

„ანტიამერიკული „ქართული ოცნების“ რეჟიმი ხელს უწყობს ირანისა და ჩინეთის კომუნისტური პარტიის (CCP) უკანონო საქმიანობას, ამავდროულად კი უკანონოდ აპატიმრებს საკუთარ მოქალაქეებს.

მადლობელი ვარ პრეზიდენტ ტრამპის, რომ ამ პარია სახელმწიფოსგან ქცევის შეცვლას ითხოვს!“

ადრე ჟურნალისტმა ალეკ რაუფოღლუმ სოციალურ მედიაში დაწერა: რუბიომ განაცხადა, რომ ვაშინგტონმა აშშ-სა და საქართველოს შორის დაძაბული ურთიერთობების გასაუმჯობესებლად პირობები დააწესა:

„ვაშინგტონი მოითხოვს თბილისის ქცევის შეცვლას კონგრესის გაფრთხილებების შემდეგ, რომ „ქართული ოცნება“ ხელს უწყობს ირანის წინააღმდეგ სანქციების თავიდან აცილებას და პეკინთან კავშირების გაღრმავებას“.

ავტორი: ექსპრესნიუსი,