თავისუფლება სინდისის ყველა პატიმარს! - ამ შინაარსით დაკავებული მომიტინგეების მხარდასაჭერად დღეს თბილისში ფართომასშტაბიანი აქციებია ჩანიშნული. დაკავებულების ოჯახის წევრები და მეგობრები, მხარდამჭერებთან ერთად, მსვლელობას საღამოს 7 საათზე დაიწყებენ.

საპროტესტო მარში სამი სხვადასხვა ლოკაციიდან დაიწყება. ხალხი მარჯანიშვილის მოედანზე , პირველი არხის შენობასთან და სახელმწიფო უნივერსიტეტის პირველ კორპუსთან შეიკრიბება. საბოლოო გაჩერება კი, ტრადიციულად, საკანონმდებლო ორგანოს მიმდებარე ტერიტორია იქნება.

ჩვენი მარშრუტია ციხე, სასამართლო, აქცია. ჩვენ ერთმანეთის შვილების სასამართლოებზე დავდივართ. დღეს სამი ლოკაციაა და ჩვენ გადავწყვიტეთ, საზოგადოებრივ არხთან მისვლა, რახან სხვა სენტიმენტები გვაქვს ამ არხთან დაკავშირებით. დღეს პირველი საზრუნავი მზია გვყავს. მზიამ არ გაითვალისწინა არც ოჯახის წევრების, არც თქვენი კოლეგების თხოვნა, იქნებ ჩვენი, ტყვეების მშობლების თხოვნა გაითვალისწინოს. გავიმარჯვებთ და ვიზეიმებთ ყველა ერთად, - ამბობს აქციის მონაწილე. 

ავტორი: ექსპრესნიუსი,